西甲　20/1(日)　巴塞隆拿　對　雷加利斯

周日尾場西甲，有巴塞隆拿鬥雷加利斯。周中西盃巴塞先收起蘇亞雷斯，結果照贏利雲特3-0，上周聯賽鬥伊巴，巴塞亦輕取對手3球，反映等閒對手絕不是巴塞的手腳。對手雷加利斯季初曾爆大冷反勝巴塞開齋，今場巴塞仇人見面肯定份外眼紅，初盤讓到2球半，巴塞縱然讓得起，但雷加利斯近2季作客魯營都有波入，今場入球大細中位數開3.5球，捧入球大應較上盤穩陣！

巴塞隆拿

上周鬥伊巴、周中鬥利雲特，巴塞雖然均以3-0贏波，但兩場其實都有失波機會。其中，周中鬥利雲特一仗，後者比賽尾段就曾射中柱。聯賽6連勝的巴塞，今季10場主場攻入33球之多，平均每場入超過3球，但季內亦曾失12球，主場失球數字是西甲前7名球隊之最。巴塞今季10場主場，就有6場有失波，今場強弱懸殊之戰，慎防球隊在比賽尾段戰意鬆散，被對手有機會破蛋。

雷加利斯

雷加利斯季初曾爆大冷2-1反勝巴塞，打開本季勝利之門，當時正是利用前場壓迫打亂巴塞陣腳，造就一場令人意外的戰果。其實，近2季雷加利斯作客巴塞，2場都能取得入球，1場輸1-2、1場輸1-3，可見即使作客魯營仍具一定戰鬥力。

近9場西甲，雷加利斯取3勝5和1負，唯一輸波亦只是0-1不敵愛斯賓奴，今場預期應有一定戰鬥力。不過，聯賽6連勝的巴塞，6場贏波已轟入18球，攻力相當驚人，加上巴塞季初曾不敵雷加利斯，今場肯定銳意報仇，一於揀大！

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：巴塞隆拿 入球大