歐霸　21/2(四)　利華古遜　對　卡斯洛達

首回合踢成0-0的利華古遜與卡斯洛達，將在今晚再度碰頭。

上場利華古遜雖然作客，但已佔有明顯優勢，加上上仗無法取得作客入球，今場勢必主力搶攻免除後患。以球隊近期在拜亞球場先後輕取拜仁及杜塞爾多夫的表現，難得遇上不擅作客的卡斯洛達，有望輕鬆奏捷晉身16強！

利華古遜雖然未算是歐洲一線球隊，但季內卻多次能夠大炒對手，在歐霸分組賽就曾在主場4-2贏過AEK拉亞拿卡，作客一仗更贏5-1。

返回本土賽事，利華古遜季內亦有不少精彩勝仗，包括聯賽作客6-2贏雲達不來梅、德國盃主場5-0大炒慕遜加柏，歇冬後球隊走勢就更加凌厲，近期在德甲已接連3-0贏禾夫斯堡、3-1贏拜仁、5-1大炒緬恩斯，上周日亦以2球輕取杜塞爾多夫，聯賽4連勝兼夾場場淨勝對手2球或以上。今場回師主場出戰，勝望當然壓一。

卡斯洛達雖然是俄超冬季亞軍，在歐霸分組賽亦以12分出線，但球隊作客的演出其實極為一般，今屆歐霸分組賽3場作客，唯一勝仗亦只是僅以1球險勝同組排包尾，兼夾目前在土超排包尾的阿卡沙。

其餘2場分組賽作客，卡斯洛達就曾以1-2不敵標準列治，出訪西維爾更以0-3大敗。以卡斯洛達季內在俄超作客實力較強的魯賓卡山與辛尼特，2場都以1-2敗陣，似乎球隊現階段的實力，並不足以在客場與列強周旋。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：利華古遜贏超過1球