西甲　24/2(日)　馬德里體育會　對　維拉利爾

剛在歐聯大破祖雲達斯的馬德里體育會，將在主場迎戰備受降班威脅的維拉利爾。兩隊排名差天共地，球隊近況亦以馬體會較好，不過近年維拉利爾卻是馬體會的頭號剋星，近4季雙方7次交手，維拉利爾居然取得4勝3和的不敗佳績，今場備受外界睇淡下，說不定又有神來之筆！

近期傷兵問題已得到解決的馬體會，周中歐聯鬥祖雲達斯，亦憑一對烏拉圭中堅荷西占美尼斯與高甸的入波，以2-0領先首回合。球隊季內在主場表現亦相當厲害，12戰9勝2和1負，唯一敗仗正是前一周主場鬥皇馬輸1-3，目前陣中亦只有盧卡靴蘭迪斯一名傷兵，按理所有利好因素集於一身，今場理應不勝無歸。

周中在歐霸1-1迫和士砵亭驚險晉級的維拉利爾，雖說近期聯賽已見反彈，但上場鬥西維爾一仗之所以大勝，與對手明顯放水不無關係。球隊作客已8場不勝，近3場更是零入球，不過近4場作客卻有3場能夠搶分成功，球隊護級心切下，今場若然僅以1分為目標，亦不要將其過份睇低。

單睇今季賽績，固然馬體會是遠勝對手，不過計往績的話，卻完全是另一個世界。維拉利爾對上4季7次與馬體會交手，居然取得4勝3和的驚人成績，對上4季作客馬體會，維拉利爾亦取得2勝2和的不敗紀錄。

季初首循環交手，雙方亦只是各一言和，維拉利爾近年面對馬體會，明顯是格食格。今場若然一如以往出現爆冷戰果，看來亦只能說時也命也！

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：維拉利爾不敗