西盃　27/2(三)　皇家馬德里　對　巴塞隆拿

周三好波連場，西盃4強次回合，更會上演國家打吡。

首回合巴塞在主場，雖僅以1-1賽和皇馬，錯失領先的機會，但要留意的是，當時巴塞正值低潮，美斯更是負傷上陣。今場表面上皇馬有主場之利，會有一定優勢，但近年巴塞每逢作客班拿貝，都能擊退對手。再者西盃設作客入球，今場若然皇馬被巴塞攻入2球，皇馬則要入3球才能晉級，皇馬目前的形勢看似主動，但其實打盃賽先作客、後主場，一樣有其麻煩的地方。

首回合作客巴塞保持不敗，尚有1個作客入球在手的皇馬，今場只要守和0-0亦能殺入決賽。不過，近期皇馬的演出卻是不敢恭維，歐聯作客領先阿積士、上場聯賽作客贏利雲特，多多少少都有賴球證之助，球隊雖然贏波，但贏得絕不光彩。

早前表現搶鏡的賓斯馬，近期賽程頻密下，已開始出現疲態，而陣中幾大元老沙治奧拉莫斯、馬些路、摩迪，以至仍在盛年的卻奧斯、巴爾，今季表現都不復當年勇，僅靠年輕小將雲尼素斯在前線單天保至尊，未必有足夠條件闖過巴塞這關。

自從2014年在西盃決賽不敵皇馬後，巴塞過去4年都成為西盃盟主，足證球隊對這項盃賽的重視程度。經過一段回氣期後，上場作客西維爾，美斯的小宇宙終於大爆發，在先落後2球的劣勢下，竟可個人大演帽子戲法，連追4球反勝對手。

撇除季前無關痛癢的西超盃，巴塞連續3季在西甲作客皇馬，3戰全勝之餘，竟能攻入10球，上季贏3-0、前季贏3-2、大前季更贏4-0。

今季，巴塞已曾在聯賽首循環，在美斯缺陣下照樣在主場狂數皇馬5-1，足證雙方實力的距離。如今只差一步便殺入決賽，有理由相信，巴塞今場將會顯現出球隊的最強威力。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：巴塞隆拿