西甲　17/3(日)　伊巴　對　華拉度列

周日西甲早場，由伊巴鬥華拉度列。華拉度列上場鬥皇馬，開賽頭20分鐘12碼又宴客、2次入波又越位在先食詐糊，最終更大敗收場，球隊黑氣纏身之餘，防守上的經常大意犯錯，亦是球隊季內的致命傷。只打主場的伊巴，勝在穩打穩紮，主場已10場不敗，近4場主場亦贏3場，上周即使12碼宴客，亦照樣贏切爾達。以兩隊近期的運勢比較，看來伊巴應遠勝對手。

近13場聯賽只輸過2場的伊巴，2場輸波都是作客，無疑球隊的和波比率是偏高，但近期在主場出戰，情況已有改善，近4場3勝1和，贏愛斯賓奴、基羅納與切爾達，3場都是零失球。今場伊巴更不受任何傷兵停賽問題影響，回師面積細小，但氣氛一流的伊普路亞球場出戰，勝望當然在客隊之上。

近6場只得1分的華拉度列，作客亦已4連敗，無論球隊踢得好、踢得差，前線把握力不足，後防經常低級犯錯，都是其致命傷。無疑上場主場鬥皇馬，頭段時間若運氣稍好，隨時有望領先3-0，但球隊季內已不只一次輸運，今場就算被外界一致睇淡下，亦不要對這支上季僅透過附加賽才升班的球隊，有過份憧憬。

華拉度列今季失運的情況，早在季初經已出現。球隊季內在聯賽及西盃合共搏得5球12碼，居然5球全部射失。上場鬥皇馬，季中加盟仍未開齋的射手沙治哥迪奧拿，頭20分鐘先後2次因越位在先食詐糊外，下半場亦有一次近射中柱不入。華拉度列今季只攻入21球，是西甲攻力最弱的一隊，今仗尚要面對西甲其中一支主場王，相信難望在伊巴身上搶分成功。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：伊巴