金盃決賽 等睇加時

美洲金盃王者對決，由美國大戰墨西哥。兩支北美一哥，是次出戰都並非派出最強陣容應戰，晉級過程亦未算清脆，今場五五之爭，預期未必能夠在法定時間分出勝負，捧和波！

撇除在分組賽6比1贏馬提尼克時，所失的12碼，美國今屆美洲金盃其實是零失球。縱然其餘4戰都只能險勝對手1比0，但要將其擊敗，亦殊不容易。今場決賽美國更有主場之利，相信墨西哥要在法定時間內將其解決，會有一定難度。

墨西哥上場去到補時9分鐘，才取得絕殺入球氣走加拿大，同時亦失了本屆賽事首個失球。其實今屆的墨西哥，戰鬥力並無想像中強，試過被千里達守和之餘，鬥薩爾瓦多都只是1球險勝。4強淘汰加拿大用力頗多下，今場要作客擊退美國，談何容易！