黃潛格蘭納達愛鬥大

剛在歐洲超級盃飲恨的「黃色潛水艇」維拉利爾，將在周一西甲迎戰格蘭納達。兩隊都崇尚進攻足球，近4次交手就有3次開大，前季開鑼日碰頭更踢成4比4。預期今場雙方依然會鬥攻，入球大捧得過！

上場若非欠運，維拉利爾早已擊敗車路士捧盃，正當後者在英超開鑼戰，亦能3球大炒水晶宮，維拉利爾上周中的歐超盃，當然屬好賽績。球隊今屆陣容變化不大，前線續由在歐超盃射入靚波的謝拉特摩蘭奴掛帥，而新加盟的迪亞，上場亦有水準發揮，預期維拉利爾今場回師主場出擊，要取得一定數量入球應不成問題。

格蘭納達向來擅攻不擅守，今屆除了有教練迪亞高馬天尼斯離隊外，鋼門雷施華、精神領袖蘇達度同樣他投。不過，新帥羅拔摩蘭奴上任後，人腳上未有太大變動，只引入今場倒戈的巴卡作替補，預期無論在踢法上與實力上，均與上屆類似。

上屆歷史性殺入歐霸8強的格蘭納達，聯賽雖然排第10，但全季卻勁失65球，是全西甲失波最多的一隊。幸好，中前場幾位攻擊重心馬捷斯、佩亞達斯、路爾斯蘇亞雷斯等，今季仍在陣中，預期可在維拉利爾身上取得入球，入球大相當穩陣！