曼聯態勇 誓痛擊修咸頓

開鑼戰5-1大炒列斯聯的曼聯，周日將作客修咸頓。曼聯兩大中場主力般奴費蘭迪斯與普巴，首戰都成為風雲人物，前者連中三元，後者更來個助攻大四喜，威風八面，近年對賽往績亦佔上上風，遇上有首席射手丹尼京斯離隊的修咸頓，料可輕鬆再捷！

曼聯上輪清風送爽，面對列斯聯的鬆散防線，完全是如入無人之境。般奴費蘭迪斯與普巴光芒四射外，就連美臣格連活、費特等亦有上佳表現。從多蒙特高價轉會的辛祖，上輪已首度亮相，今場就連從皇馬過檔的華拉尼，隨時亦有望粉墨登場，今屆曼聯的班底，終於有一點班霸味道。

修咸頓季季賣走主力，會方營商之道，比起營運球隊更有條理。今夏，修咸頓又將首席射手丹尼京斯、主力中堅維斯達哥，以及中場悍將利明拿賣走，加上左閘貝查特又約滿轉投李斯特城，球隊實力無疑大打折扣。縱然從布力般流浪加盟的射手阿當岩士唐，上輪地標戰就入波，但球隊仍被愛華頓反勝3-1，今場對手實力進一步增強，難望反彈。

上屆英超修咸頓兩鬥曼聯，都是全失3分。首循環半場領先2球下，竟被作客的曼聯反勝3-2；次循環修咸頓早早10人應戰，最終更以0-9大敗收場。今屆修咸頓實力比上屆更弱，曼聯即使作客亦不勝無歸！