巴塞傷兵滿營 主場難讓賓菲加

歐聯E組關鍵一戰，巴塞隆拿主場鬥賓菲加。巴塞今場只要贏波，便可取得出線權，但目前球隊傷兵滿營，安素法迪、柏迪、達斯治等主力均缺陣，新帥沙維被迫提升多名B隊成員撐場，上輪加泰隆尼亞打吡戰，亦僅憑迪比的12碼險勝。以球隊首循環作客慘吞賓菲加3蛋的演出，今場即使主場出擊，依然無甚贏面！

沙維回歸巴塞後，好處是球隊踢回4-3-3，不少B隊甚至青年軍球員亦有機會亮相。不過，巴塞現時傷兵滿營，除安素法迪、柏迪、達斯治外，最近亦有新人歷高干沙利斯傷出，連同舊有傷兵比夫韋治、奧斯文丹比利，以及因心臟問題隨時面臨提早掛靴的阿古路，通通都不能上陣。現時，巴塞前線就只剩迪比一人擔大旗，古天奴長期缺態、盧克迪莊踢法與巴塞格格不入，難怪巴塞近期就算贏基輔戴拿模、贏愛斯賓奴，都是千辛萬苦才以1球僅勝對手。

賓菲加連續2場大敗予拜仁之後，目前只得4分，落後巴塞2分，今場輸波即時出局。幸好，首循環球隊曾以3球大勝巴塞，若然今場能夠守和對手，下場只要贏基輔，而巴塞未能擊敗拜仁，賓菲加亦可憑較佳對賽成績反壓巴塞晉級。若然今場贏波，賓菲加下場只要擊敗基輔，便毋須理會巴塞鬥拜仁的戰果而肯定出線，戰意如此鮮明，相信球隊今場肯定搏命。近期賓菲加無甚傷兵，在葡超及葡盃亦先後大炒布拉加及費利拿，近2場入10球，士氣正盛。若然臨場賓菲加受讓1球，下盤就更為安心！