謝拉特效應 維拉態勇穩贏般尼

周六英超，阿士東維拉迎戰般尼。維拉自從由謝拉特領軍後，應贏則贏，周中2球淨勝諾域治亦贏得輕鬆，今場回師主場出擊，連捷機會猶在。般尼已連續3場英超0入球，加盟後改打前鋒的前里昂翼衛哥漢歷近期之養傷，對進攻火力有極大影響。今場尚要作客更難有作為！

維拉易帥後6戰4勝2負，先後擊敗白禮頓、水晶宮、李斯特城及諾域治，輸波2場都只是僅負曼城與利物浦，戰績相當硬淨。新帥謝拉特上任不久，維拉的演出已見明顯改善，兼且在踢法上亦較前立體，今場遇上踢法單調的般尼，有望借助主場優勢，再搶3分。

般尼今季英超作客4和4負未贏過，上輪作客更被紐卡素贏波開齋，演出令人失望。近期，球隊已連續3場0入球，攻力極之疲弱，長人中鋒基斯活今季狀態亦遠不及上季。正當今季加盟後入球頻頻的哥漢歷，以及隊中精神領袖艾殊利班尼斯，最近一直備受傷患困擾，般尼前線能夠改寫戰局的球員就越來越少，今場出訪氣勢強勁的維拉，想死守搶1分亦不易！