白禮頓韌力驚人 訪車路士好「細」界

英超周三快車，車路士迎戰白禮頓。車路士上輪只憑2記12碼，加上盧卡古半場入替才得以3-1擊敗維拉，論表現其實相當一般，首循環鬥白禮頓曾被悶和收場，今輪成熱有戒心。白禮頓上輪2球擊敗賓福特，終止12場聯賽不勝走勢，但期間和波次數極多，加上季內英超作客只曾1敗，今輪如決心死守，就算輸亦不會輸得多，宜吼「細」！

車路士勇況回落，上輪倖得盧卡古復出，加上維拉守將卡殊與明斯的魯莽攔截，才得以搏得2球12碼，間接造就球隊全取3分。其實未鬥維拉之前，車路士已連開3場「細」，包括鬥愛華頓、狼隊的和波，以及在聯賽盃尾段入波，2球險勝賓福特。盧卡古確診後初癒，體力未能應付整場比賽，預期今場又會出任後備殺手，始終白禮頓的防守較維拉穩陣得多，車路士要輕勝而回，甚有難度。

白禮頓上場見好即收，半場2球領先賓福特下，結果下半場完全放棄進攻，就此死守到尾，取得久違了的英超勝仗之餘，這支英超「細波王」亦已連開7場「細」。白禮頓雖然實力不強，但勝在防守能力極佳，今季8場英超作客2勝5和1負，入8球失8球，最近2次作客鬥修咸頓與韋斯咸，均與對手踢成1-1。首循環，白禮頓主場出擊，就曾悶和車路士0-0，今輪若然擺明死守搏1分，未嘗沒有壞車路士好事的能力。