歐冠　6/3(三)　波圖　對　羅馬

周三晚一場較具爭逐意味的歐聯賽事，有波圖鬥羅馬。

首回合羅馬僅領先2-1，今場波圖只要贏1-0，便可憑作客入球優惠晉級。兩隊近況都差，可幸波圖仍有強大主場作靠山，今場遇上季內作客表現例打折扣的羅馬，有力收復前失！

上場聯賽雖然在榜首大戰主場1-2不敵賓菲加，不過波圖今屆在歐聯分組賽，主場卻是3戰全勝，曾以1-0贏加拉塔沙雷、4-1贏莫斯科火車頭、3-1贏史浩克04，主場威力當然強勁。波圖近期未有添置任何傷兵，只有季初十字韌帶撕裂的喀麥隆射手阿布巴卡繼續養傷，球隊已一連兩屆在歐聯16強，被祖雲達斯及利物浦兩支決賽份子淘汰，今屆僅遇上實力不強的羅馬，當然有望更進一步。

羅馬上屆雖曾在8強絕地反擊巴塞成功，去到4強才被利物浦淘汰，但今屆球隊實力下滑是不爭的事實，聯賽只排第5，被榜首的祖雲達斯大拋離28分之餘，上場的意甲首都打吡，更加0-3慘敗在拉素腳下。

羅馬今屆歐聯分組賽作客表現亦平平無奇，只曾2-1險勝莫斯科中央陸軍，更曾0-3不敵皇馬，遇上捷克的柏辛域陀尼亞亦要輸1-2。今場就連後防大將文路拿斯，亦隨時因病缺陣，以球隊客場的差劣表現，首回合僅領先2-1，其實是無甚優勢。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：波圖