澳職　9/3(六)　中岸水手　對　威靈頓鳳凰

周六澳職，有中岸水手對威靈頓鳳凰。目前排第6的鳳凰，雖然較第7位的噴射機少打一場兼有2分優勢，但若然今場再有任何差池，今季隨時緣盡季後賽。今場欣逢開季至今只得7分排包尾的水手，看來已屬反底贏波的黃金機會！

鳳凰雖然4場不勝，不過近期先後要鬥澳職三大巨頭珀斯、悉尼與勝利，未能贏波亦情有可原。今場作客水手，鳳凰亦有魯化停賽，古利、霍斯與湯杜爾亦因傷缺陣，陣容上當然亦不算完整。幸好鳳凰季內兩次在主場迎戰水手，都能以2-0及3-2贏波，除非鳳凰無意競逐季後賽，否則就算球隊近況欠銳，遇上戰鬥力極弱兼殘陣出戰的水手，依然有力全取3分。

開季20場只曾1勝的水手，近6場只得1分，今季主場9戰亦只有3場能夠搶分成功，其中2場尚要是季內喜愛挫強扶弱的墨城，另一場亦只是鬥排尾二的獅吼才有分落袋，可見球隊戰鬥力實在相當嚇人。

今季，水手只攻入22球而勁失48球，無論攻守都是全澳職最差。上場鬥獅吼的榜尾大戰，水手主場出擊居然亦以3-5落敗，已證明球隊季內實力差無可差。

今場尚有射手麥西蒙與中場奧尼爾停賽，而夏里積、湯馬士奧亞、基爾盧尼斯與哥利加美路亦要養傷，預料對球隊的中前場實力將有極大影響。今場即使有主場之利，但殘陣下要搶分，依然困難重重。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：威靈頓鳳凰