澳職　16/3(六)　紐卡素噴射機　對　中岸水手

周六澳職頭場，有紐卡素噴射機鬥中岸水手。排第7的噴射機，只落後排第6的墨爾本城4分，依然有機會後上搶走季後賽的入場券，上場球隊更在中立場2-0勇挫墨爾本勝利，勇況持續。近7場只得1分的中岸水手，上場更以2-8大敗予威靈頓鳳凰，近2場主場已失13球，近況差無可差，今場各界即使全面唱好噴射機，亦非全無道理！

今季聯賽只贏1場的中岸水手，常規賽已進行三分之二，但球隊卻只得7分遙遙包尾，球隊實力差之餘，球員亦已無甚鬥心。近2場主場，水手都大敗而回，前一仗鬥獅吼輸3-5，上場鬥鳳凰更離譜，居然大敗2-8，賽後主帥也被辭退了。主場出戰表現亦如此，今場尚要出訪噴射機，以球隊季內作客只取2分的劣績，看來再大敗一場的機會極大。

紐卡素噴射機早前雖在亞冠盃外圍賽出局，不過出局前後，近期聯賽都有高水準演出，大前仗作客5-1大破西悉尼流浪者，上場更在中立場2-0擊敗墨爾本勝利。目前，噴射機只落後排第6的墨爾本城4分，鑑於對手聯賽已6場不勝，隨時有繼續失分的可能，噴射機當然要好好把握今場欣逢弱旅的機會，畢竟澳職常規賽，連同今輪賽事尚有6周才結束，噴射機隨時有望爭取季後賽入場券。

兩隊季內已曾兩度碰頭，噴射機雖然兩仗都只能小勝對手，不過現時的水手，經已毫無鬥心，相信噴射機要輕取一仗機會仍大。何況對上兩季，噴射機亦曾經試過，作客5-1及8-2大炒水手，今次尚在主場出擊，不排除會大開殺戒！

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：紐卡素噴射機 大勝