澳職　30/3(六)　珀斯光輝　對　墨爾本勝利

周六澳職尾場大戰，由珀斯光輝惡鬥墨爾本勝利。兩隊今場均能夫添出戰，形勢上珀斯即使輸波，仍極有機會成為常規賽冠軍。不過，珀斯季內兩次作客勝利，均能全取3分，今仗回師主場出戰，面對近期分心亞冠，嚴重影響聯賽表現的勝利，珀斯形勢上當然更有利！

全季只輸1場的珀斯，近6場主場成績是5勝1和，已連續4場主場零失球，近3場更是由頭贏到落尾。球隊今季已攻入47球，只失20球，是全澳職攻力最強、失球最少的球隊。

季內兩次作客勝利，珀斯亦先後以3-2及2-1取勝，今場尚要回師強大主場出戰，為免夜長夢多，相信珀斯眾將定必全力搶3分，以盡早取得常規賽冠軍寶座。事實上，今季觀乎珀斯全季的演出，球隊上下一心，是以聯賽冠軍寶座邁進，領隊普波域亦不容許球隊上下，在日常聯賽上出現鬆懈，因為稍不留神，隨時倒瀉籮蟹。

自從2月中主場1-2不敵珀斯後，勝利便一沉不振，聯賽接連失分之餘，亞冠分組賽亦2戰全敗，直至上場主場鬥榜下游的獅吼，才以2-1險勝對手贏波反底。無疑勝利的攻力，亦是全澳職第2強，今季聯賽作客亦只曾1敗，奈何球隊今季有超過三分一的失球，都是防守死球失誤所致，偏偏今場對手珀斯，卻是全澳職憑死球入波比率最高的一隊。強強對碰，一次意外足以致命。

對上5次主場迎戰勝利，珀斯取4勝1負佳績，不過4次贏波，珀斯都只是1球險勝，看來這場榜前列大戰，隨時又會一球定生死！

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：珀斯光輝