西甲　30/3(六)　巴塞隆拿　對　愛斯賓奴

周六西甲上演加泰隆尼亞打吡大戰，由巴塞隆拿鬥愛斯賓奴。

巴塞近期雖然遇神殺神，不過上場鬥貝迪斯臨完場前，蘇亞雷斯卻因跣腳扭傷足踝，而在國際賽期，重返阿根廷國家隊的美斯亦拉傷鼠蹊。縱然二人的傷勢並不嚴重，不過西甲快車下周便殺到，隨後整個4月份巴塞更是大戰連場。遇上攻力不強兼極大機會全場死守的愛斯賓奴，預計一眾巴塞球員將會避重就輕，未必會在今場大炒對手！

早前在歐聯16強大炒里昂的巴塞，賽後已有奧斯文丹比利觸傷大腿筋舊患，要起碼養傷至4月中，怎料就連蘇亞雷斯與美斯及後亦接連受傷，對於巴塞爭勝當然有極大影響。

畢竟踏入4月後，西甲將有兩輪周中快車，加上巴塞又要在歐聯8強兩鬥曼聯，下周西甲作客維拉利爾亦非容易應付，今場僅遇上實力平平的愛斯賓奴，為求不致再添傷兵，要再像早前贏貝迪斯贏里昂般大炒對手恐怕不易。

踏入2月後7場西甲2勝4和1負的愛斯賓奴，唯一輸波亦只是上場鬥西維爾僅負0-1，該球失波尚要是輸12碼，可見愛斯賓奴即使實力不高，但要將其狠狠殺敗，亦有一定難度。

無疑球隊今場有中場靈魂達迪停賽，而前鋒費利拿、翼鋒皮亞堤與中堅大衛盧比斯亦肯定因傷缺陣，可幸巴塞的蘇亞雷斯與美斯就算能夠傷癒復出，狀態肯定並非十足十。就算前線的伊基利斯亞斯與武磊，未必能對巴塞防線構成威脅，但以愛斯賓奴季內作客的保守作風，今場應可將失球數字盡量減低。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：入球細