西甲　2/4(二)　維拉利爾　對　巴塞隆拿

2球領先大好形勢下最終反輸3球，維拉利爾上場被主要護級對手切爾達反敗為勝後，今場尚要遇上榜首的巴塞隆拿，看來能夠搶分的機會相當渺茫。上場加泰隆尼亞打吡，巴塞隆拿只用上五成功力，結果亦憑美斯的梅開二度致勝，適逢對手維拉利爾上場搏盡下反輸耗力甚具，巴塞贏波3分可謂手到拿來！

周六晚的護級大戰，維拉利爾本來有個好開始，杜高伊甘比與柏達沙的入球，開賽僅15分鐘，維拉利爾經已2球在手。不過，卡耶夏保守的部署，最終換來極大代價，切爾達一對箭頭艾斯柏斯的梅開二度，加上麥斯高美斯的入波，最終切爾達奇蹟反勝全取3分，這亦令維拉利爾距離降班區只有1分。

上場加泰隆尼亞打吡，巴塞在上半場慢調斯理，竟錄得零中目標射門，不過隨著愛斯賓奴一心想偷雞搶3分，美斯稍一認真應戰，結果又個人梅開二度，本季已累積31個西甲入球。連同各項賽事，巴塞經已7連勝，除了作客1球險勝皇馬外，其餘6場勝仗，巴塞均以2球或以上的差距輕取對手。

論雙方休息時間，兩軍雖然一樣，但耗力程度卻有極大差別。上季巴塞作客維拉利爾，結果一對箭頭蘇亞雷斯與美斯各入一球，以2-0輕取對手。以巴塞近期的穩定表現，來到近10場有9場有失波的維拉利爾主場，當然未驚過！

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：巴塞隆拿