西甲　3/4(三)　侯爾斯卡　對　切爾達

苦等4個月最終等到艾斯柏斯復出，結果久未贏波的切爾達，上場即使早早2球落後，亦能奇蹟反勝維拉利爾3-2，不過球隊作客表現向來麻麻，防線經常不穩，亦是球隊今季要打護級戰的主因。侯爾斯卡固然是西甲的降班膽，不過球隊卻沒有因為護級無望而自暴自棄，上場作客完全輕敵的皇馬，侯爾斯卡踢出一貫的鬥心和拚勁，縱然最終因實力遠不及對手而被反勝，但至少亦贏盡口碑！

表面上，切爾達難得等到艾斯柏斯復出，上場的關鍵護級大戰亦奇蹟反勝對手，今場遇上包尾的侯爾斯卡，確是全取3分的黃金機會。不過，切爾達今季作客其實只贏2場，季初贏完利雲特2-1後，到12月才再贏維拉利爾3-2。最近7場作客，切爾達只得1分，其中5場防線都失2球或以上，正當對手侯爾斯卡，近期再三顯示出無比拚勁，今場切爾達就算能夠取得重要3分，估計都未必贏得易。

西甲3連敗的侯爾斯卡，已距離安全線7分，雖未致於完全護級無望，但仍奇蹟生還，今場就一定要擊敗對手。無疑球隊的實力只屬西乙貨色，不過季內主場出戰，依然有2-1贏西維爾、4-0贏華拉度列、2-1贏貝迪斯的紀錄。一對箭頭古曹與捷美阿維拿近況亦弗，若然切爾達的防線不穩老毛病未能極速改善，或許今仗又有機會上演入球騷。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：入球大