英超　5/4(五)　修咸頓　對　利物浦

與曼城你一拳、我一掌的利物浦，周五晚又再為爭標之路出發，造訪近期全面回勇的修咸頓，看來又是一場苦戰。近期的利物浦，無論對任何對手，總予人一種可勝不穩的感覺，射手沙拿繼續啞火，防線一再出現失誤，今場就連後防大將雲迪克亦足踝有傷隨時缺陣，遇上近4場搶9分的修咸頓，隨時又是小勝格局！

利物浦雖然在英超3連勝，不過贏般尼失2球，鬥富咸僅憑12碼才險勝2-1，上場迎戰熱刺，若非對手臨完場前擺烏龍，恐怕紅軍又失分。無疑利物浦近期是相當有運，無論球隊踢得有幾差，危機有幾大，均可悉數瓦解。

縱然利物浦下周中將要返回晏菲路，在歐聯8強大戰波圖，但英超爭霸已鬥到最後直路，今場遇上仍有護級壓力的修咸頓，由正牌德國高普鬥「奧地利高普」哈辛赫圖，以兩名前德甲領隊的近似作風，預計今場仍會是一場快打快、張力十足，兼且毫無留力空間的賽事。

排尾五的修咸頓，比起尾三的卡迪夫城，雖有5分兼多打一場的優勢，但為免夜長夢多，今次主場出擊，當然亦希望有分落袋。球隊近4場贏3場，先後擊敗富咸、熱刺與白禮頓，作客曼聯亦僅負2-3，表現相當對辦。

今季，修咸頓但凡主場遇上BIG 6球隊，無論是鬥熱刺、曼城、阿仙奴、曼聯抑或車路士，不管最終戰果如何，入球總數通通都是3球或以上。遇上強隊毫無懼色，不死守不膽怯，這正正就是「奧地利高普」哈辛赫圖的領導方針。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：入球大