歐冠　17/4(三)　波圖　對　利物浦

一星期前才在晏菲路以2-0輕勝波圖，以利物浦上場見好即收的部署，似乎已得知對手的虛實，今場儘管作客，但以上場波圖的差劣表現，要奇蹟闖關確是天荒夜譚。以近期利物浦一旦取得保險球便隨即收油的慳水慳力方針，今場若然先取得一個作客入球，說不定高普隨時下令球員搓完場算數。畢竟英超、歐聯，往後大戰連場，就算紅軍在實力上是遠超對手，為免主力球員受傷，今場未必會盡數！

上屆歐聯16強，利物浦作客曾以5-0大勝波圖，今場球隊既沒有任何球員面臨停賽，亦有出擊左閘羅拔臣停賽刑滿復出，而未來兩場英超，利物浦亦只是鬥榜末的卡迪夫城與哈特斯菲爾德，從正常角度出法，今場紅軍當然毋須留力。

不過，南美球員向來踢法狠辣，若然今場紅軍作客來個大勝，去到比賽尾段，擁有一堆南美兵的波圖，到時球員在心態上會否火遮眼，確是無法預料。以首回合紅軍早早領先2球見好即收，上場鬥車路士同樣下半場早段連環發炮後，便就此放慢腳步2球到尾。今場紅軍的部署，未必會是敢於進攻，而是盡量消磨波圖球員的扳平意志，吼準機會才作快速反擊。

早前16強鬥羅馬，波圖已顯示過如何在首回合落後下，最終鬥到加時反勝。,,不過，上輪鬥羅馬，波圖首回合作客只是落後1-2，手執1個作客入球，次回合返主場當然有討價還價的機會。奈何今次鬥利物浦，首回合已淨輸0-2，上場球隊亦明顯無法組織出，慣常悅目的攻勢，而前線的馬利加與泰昆奴，就更是「浪費機會主義者」！可幸中堅比比與防守中場赫達靴里拉，經過首回合的停賽，今場將可雙雙復出，對於波圖的中路防守，或許會較上場來得穩固。

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：入球細