英超　24/4(三)　曼聯　對　曼城

可能是英超全季最重要的一戰，曼市雙雄曼聯與曼城，將在周三晚英超補賽，合演曼徹斯特打吡。曼聯上場作客雖慘吞愛華頓4蛋，在近2場主場的歐聯淘汰賽，又先後不敵巴黎聖日耳門與巴塞隆拿，不過球隊在今季英超，留守奧脫福出戰已保持14場不敗，適逢同市死敵為求爭冠一分都不能少，曼聯隨時有望憑主場之利突然變身，力阻曼城英超奪冠的春秋大夢！

自從季初主場0-3不敵熱刺後，曼聯在奧脫福14度出戰英超，居然取得9勝5和的不敗佳績，近10場更是7勝3和，亦曾出現2-2和阿仙奴，以及0-0悶和利物浦的紀錄。縱然上場作客0-4大敗予愛華頓，曼聯球員表現差到不似真，不過正當絕大部份爭前四份子，上周聯賽通通失分，仍要力爭前四的曼聯，今場難得主場出戰，當然不會坐以待斃。畢竟曼城近況未算零瑕疵，若然今場因為形勢使然而全世界看好曼城，主場3連勝的曼聯，其實同樣有出冷機會。

季尾最後3場聯賽，對手只是般尼、李斯特城與白禮頓，曼城只要過得到曼聯這關，似乎聯賽奪冠呼聲已高唱入雲。不過，曼城今季作客，其實亦有不敵車路士、李斯特城、紐卡素的紀錄，上場就算在主場1-0小勝熱刺，其實防線亦千瘡百孔，若非對手多次浪費入球良機，其實曼城上場早已失分。

除了首循環曼城主場以3-1擊敗曼聯外，回顧近年的曼市打吡，通常都只是一球上落，雙方亦互有勝負，今場未必一如外界推測，會是一場強弱懸殊之戰。曼聯要爭前四，今場其實要贏，最終會否和波兩敗俱傷，大概亦有一定可能。曼城雖然在英超10連勝，但近期每次贏波，都只能夠險勝對手，經過連場與熱刺激鬥後，加上歐聯8強出局的陰影，球員壓力倍增下，慎防今場會踢來患得患失！

另文中下方，有筆者的微信二維碼，若朋友們希望一齊吹水傾波經，不妨掃一掃加我，我拉大家入吹水群。

推介：曼聯不敗