燕豪芬賓菲加「大」得起

歐聯附加賽次回合，燕豪芬回師主場再鬥賓菲加。雙方在首回合，合演了一場快上快落的鬥攻激戰，觀賞價值甚高，賓菲加雖領先2-1，但礙於歐洲足協已取消作客入球優惠賽制，變相雙方今輪都毋須畏手畏尾。以兩隊的主攻踢法，加上快速反擊之厲害，今場隨時會被首回合出現更多入球！

燕豪芬今屆雖然將首席射手馬倫賣至多蒙特，不過幾名進攻中場才是球隊今屆的入球泉源。荷蘭新星加普既高大又快速兼且腳法秀麗，預期不久將來必然加入歐洲豪門。

英格蘭年輕右翼馬迪斯極度奇高，據悉會方即使標價3000萬鎊，依然不乏英超球會招手。連同重拾第二春的古沙與雲真高，燕豪芬今場回師主場出擊，其實是有一定贏面。

論級數，賓菲加當然遠在燕豪芬之上；事實上，球隊在首回合亦曾2球領先。但自從下半場早段被燕豪芬追回1球後，賓菲加卻全程捱打，若非希臘門將維祖迪莫斯連番出現神救，賓菲加肯定已被追和甚至反勝。

首回合領先2-1，無疑賓菲加今場和波亦能勇闖歐聯分組賽，不過取消作客入球優惠賽制後，站在球迷角度上，其實是有一定好處。何況今場就算任何一方領先，另一方同樣都要焗攻，可以預期今輪賽事，仍會是大打進攻足球的好戲碼，入球大相當穩陣！