保頓 伯頓 誓演入球騷

英甲周一只演一場，由升班馬保頓鬥伯頓。保頓開季5戰雖取2勝2和1負佳績，但其中4場都有失波，開季頭2場更先後與米爾頓凱恩斯及AFC溫布頓踢成3-3，踢法進取大膽。伯頓開季5戰3勝1和1負，戰績比保頓更好，其中4場都有波入，攻力有一定保證。兩隊最近2次交手，居然產生了11個入球，入球大捧得過！

昔日的英超常客保頓，上屆居然淪落至英乙角逐，幸好球隊今屆得以英乙季軍身份升班，開季後演出尚算合格，踢法更相當悅目。近2屆先後替史雲頓及保頓，在英乙攻入44球的愛爾蘭射手杜爾，今屆繼續留效；前韋斯咸青年軍阿科利恩，開季至今亦入球頻頻。保頓剛在英格蘭聯賽錦標3-2反勝維爾港，今輪續在主場出擊，只要交回近仗水平，縱然防守不穩，但相信理應入球不絕。

由荷蘭名宿哈索賓基領軍的伯頓，上屆首席射手希明斯雖重創長唞，但球隊仍展示一定競爭力，開季更曾接連擊敗梳士貝利、葉士域治及新特蘭打造3連捷。不過，近期球隊走勢明顯回落，前一輪作客慘吞劍橋聯3蛋後，上輪主場鬥車頓咸亦只能踢成1-1。近2輪聯賽防線勁失4球，日前在英格蘭聯賽錦標又在主場以1-2不敵米爾頓凱恩斯，防線為人垢病。

保頓雖屬升班馬，但亦曾在2020年與伯頓兩度在英甲碰頭。當時，雙方在兩循環都打得火熱，首循環伯頓作客贏4-3，次循環雙方亦踢成2-2。現時兩隊防守都各有隱憂，雙方亦是識入波的球隊，入球大相當穩陣！