利物浦作客更勁 誓「大」勝韋斯咸

周日英超大戰，韋斯咸主場鬥利物浦。韋斯咸今屆戰鬥力雖再進一步，成為頭號黑馬，但季內主場演出不及作客，主場失球數字亦偏高，近屆鬥利物浦往績亦差，剛在歐霸激戰過後，今場難免被看淡。利物浦近期越戰越勇，周中歐聯贏馬體會亦贏得相當輕鬆。何況，紅軍季內場場英超作客，都能攻入對手3球或以上，如此驚人鋒力，今場有望繼續「大」勝對手！

韋斯咸今屆英超主場5戰僅取2勝1和2負，其中鬥李斯特城、水晶宮、曼聯、賓福特都有失波。縱然上周作客維拉，韋斯咸能借助人多打人少之利，以4-1大炒對手，但3日前才在歐霸作客亨克踢成2-2，不少主力均有落場搏敗，耗力不少。今場就算得主場之利，但要抵擋鋒力強勁、行軍快速的紅軍，仍有一定難度。

利物浦今屆英超作客5戰4勝1和，除了意外被賓福特迫和3-3外，其餘鬥諾域治、列斯聯、屈福特、曼聯，均能大炒對手。對上2場英超作客，紅軍攻入10球，先後以5-0擊敗屈福特與曼聯，前線的沙拿勇銳無比。近年，紅軍出訪槌仔幫，十居其九均能淨勝對手2球或以上，難得周中歐聯鬥馬體會，近乎完全無用力，今場即使硬撼韋斯咸，依然有望「大」勝對手，全取3分！