多蒙特五勞七傷 士砵亭當銳坐和望贏

歐聯分組賽C組尾場，士砵亭迎戰多蒙特。表面上，士砵亭看似級數稍遜，但球隊目前無傷無病，在各項賽事亦已9連捷，主場出擊，坐和望贏。多蒙特上場德甲贏史特加已見贏得辛苦，近日更有托根夏沙特確診，今場侯姆斯停賽，夏蘭特又未能傷癒復出，今場若然能夠搶到1分，肯定心滿意足！

雙方目前同得6分，但由於多蒙特首循環曾贏1-0，加上尚有一場鬥包尾的比錫達斯在手，其實今場只要保持不敗，多蒙特出線機會已是高唱入雲。不過，球隊近期表現一般，剛戰德甲鬥史特加，前線缺少夏蘭特下，埋門把握力極弱，現時就連上場表現最搶鏡的托根夏沙特都確診，後防大將侯姆斯亦要停賽，出訪力爭10連捷的士砵亭，相信多蒙特攞1分已睇笑。

士砵亭自從9月底作客0-1僅負多蒙特後，往後在各項賽事已取得9連勝，當中包括歐聯兩鬥比錫達斯，合共贏8-1。基於最後一輪分組賽，士砵亭尚要鬥阿積士，而由於首循環已曾1球不敵多蒙特，若然今場再輸，即使落後3分亦會因對賽成績不及對手而即時出局，今場主場出擊，戰意肯定高昂！