梅拿唔夠班 熱刺爭出線誓大炒

歐洲協會聯賽G組，熱刺出訪斯洛文尼亞球隊梅拿。熱刺現時只得7分排第2，要爭出線今場非勝不可，幸好雙方在首循環交手，熱刺已展現出大超班的本色，今場就算作客，依然有力再贏。梅拿分組賽4戰全敗，實力與歐洲主流球隊有明顯距離，上輪出訪熱刺已輸1-5，今輪主場出戰，似乎亦無力回天！

熱刺前帥紐奴，在較早時段曾派出超弱陣應付歐協聯，結果球隊目前只得7分，今場就算如願贏波，亦要寄望同組的雷恩擊敗維迪斯，才能提早出線。幸好，新帥干地感染力十足，近期接手後球隊表現已見改善，上輪英超反勝列斯聯，亦反映球隊士氣高昂人。不過，熱刺在防守上仍有一定缺點，今輪作客出戰，不排除會有失波機會，入球大理應較上盤放心。

斯洛文尼亞代表梅拿，今屆歐協聯4戰全敗失10球，已確認是毫無競爭力。梅拿上兩輪鬥雷恩都只是1球僅負，表面上是好賽績，但實則上只是對手勒住贏。觀乎梅拿首循環出訪熱刺大敗1-5，球隊根本上完全未及歐洲賽水平，今輪熱刺要爭出線，出訪人腳亦較完整，梅拿今場尚要借用馬里博爾的主場出戰，失地利下隨時大敗。