缺美斯威力減半 阿根廷訪智利好「細」界

世界盃南美洲區外圍賽，智利迎戰阿根廷。兩支歡喜冤家曾在2屆的美洲盃決賽鬥到互射12碼才分勝負，近3次交手亦全數和波，包括外圍賽首循環，以及美洲盃分組賽，2場都是踢成1-1。近6場世界盃外圍賽，智利主場5場開細；近5場世界盃外圍賽，阿根廷連同主客亦有4場開細。阿根廷今輪美斯未有入選，智利亦有維度停賽，五五波預期雙方都會踢得謹慎，和波、入球細均可兼顧！

論出線形勢告急，智利當然比阿根廷著緊，畢竟球隊目前只得16分排第6，今輪就算硬撼勁旅，亦要搏贏搶3分。不過，上輪主場鬥奇兵厄瓜多爾，智利就在維度早段被逐的情況下，最終輸0-2，失去爭出線的主動權。球隊近年青黃不接問題相當嚴重，幸好失球數字甚少，近4場只失2球。再者，智利每逢遇上阿根廷都甚少輸波，今輪主場出擊，形勢上不會太下風。

阿根廷已有29分在手，不愁無法出線，近5場世界盃外圍賽，球隊取3勝2和0失球，當中4場開細，鬥秘魯、烏拉圭都只是1球險勝；鬥巴西與巴拉圭則悶和0-0，踢法相當保守。缺少美斯之下，阿根廷的入球重責，將落在拿達路馬天尼斯身上，畢竟其餘攻擊手戴巴拿、安祖哥利亞、尼高拉斯干沙利斯等，國家隊入球產量均極低。今輪出訪老對手智利，阿根廷未算有太大贏面。