韋歷克領軍只曾1敗 曼聯訪馬體會坐和望贏

歐聯16強首回合，馬德里體育會迎戰曼聯。馬體會近期表現大起大落，西甲主場1球不敵包尾的利雲特，剛戰又作客3球大炒奧沙辛拿，演出絕不可靠。球隊今屆歐聯主場演出亦差，3場分組賽只得1分，今輪成熱有隱憂。曼聯自從新帥韋歷克上任後，15戰8勝6和1負，只曾主場1球僅負狼隊，不敗率極高，作客更未輸過。近期球隊已在英超2連勝，表現逐漸回穩，今輪受讓平半值得秤先！

作為今屆歐聯分組賽最低分的出線隊伍，僅以7分出線的馬體會，季內演出實在無甚說服力，尤其是3輪分組賽主場，居然只靠0-0悶和波圖取得唯一1分，其餘迎戰利物浦與AC米蘭均要全失3分。近5場西甲，馬體會取3勝2負，入12球失10球，表現大起大落兼且失球數字偏高。今輪球隊更有卡拉斯高停賽、林馬確診，巴西新晉國腳古拿與烏拉圭中堅荷西占美利斯近仗先後傷出，隊長高基近日又停操，基斯文亦只是剛傷癒，殘陣出戰下成熱門，自然有隱憂。

曼聯今屆整體演出雖令人失望，但C朗與般奴一再在歐聯交足功課，C朗在5輪分組賽轟入6球，般奴亦已交出5次助攻，帶領球隊在分組賽力壓維拉利爾首名出線，絕對是大賽球員。今場首度重返母會的迪基亞，季內一再有超水準演出，穩定性十足。近2場英超，曼聯分別以2-0贏白禮頓、4-2贏列斯聯，表現較前進步。新帥韋歷克在位期間，球隊只曾1敗，坐和望贏應可做到！