兩隊防線例失波 曼聯馬體會「大」得起

歐聯16強次回合重頭戲，曼聯主場迎戰馬德里體育會。曼聯上輪聯賽全靠C朗連中三元，得以在主場3-2力克熱刺，無疑隊內士氣會大幅提升，但同時亦反映防線是極不可靠。馬體會上輪聯賽主場2-1險勝卡迪斯，近2場西甲都有失波，防線亦不穩陣。考慮到馬體會今屆3場歐聯作客分組賽，縱使取得2勝1負成績，但3場都有失波；同樣，曼聯今屆3場歐聯主場分組賽，居然1場都未試過保持0失球。首回合1-1打成平手變數甚大，入球大可以一試！

曼聯上輪英超有般奴費蘭迪斯因發燒關係缺陣，倖得C朗大發神威，總算在兩度被追和的情況下，險勝熱刺。回顧曼聯在今屆歐聯，由分組賽至今居然只得1場是0失球，3場在奧脫福出戰的分組賽，更加是場場失波。始終，由哈利麥佳亞領軍的曼聯防線，向來都無法令人安心，這名曼聯隊長，上輪鬥熱刺就曾擺烏龍。近9場各項賽事，曼聯就只曾在主場0-0賽和屈福特一仗，能夠保持0失球，其餘對手無論強弱，結果通通失波，今輪遇上攻力有保證的馬體會，要保持清白之身甚難。

馬體會雖以防守穩健見稱，但今季防線顯然遠不及盛時，上半季3場歐聯作客分組賽，馬體會出訪AC米蘭、利物浦與波圖，結果3場都有失波；近2場西甲贏貝迪斯與卡迪斯，馬體會同樣未能保持清白之身。縱然防守不如以往穩陣，近期隊內亦飽受傷病問題困擾，但馬體會近期勝在士氣正盛，西甲4連勝攻入10球，祖奧菲力斯加盟多時，終於展現應有實力。連帶在今屆歐聯入球停不了的基斯文，預期今輪出訪奧脫福，馬體會依然有力爭取入球，入球大搏得過！