西甲　19/1(六)　皇家馬德里　對　西維爾

周六西甲焦點之戰，落在皇馬鬥西維爾身上。皇馬近期傷兵頗多，前線火力亦麻麻，上周作客貝迪斯，教頭蘇拿利索性紆尊降貴，改打5後衛全場死守對手。上場皇馬雖然戰術成功，但只憑2次遠射得手，表現卻是毫無說服力，適逢西維爾近期每逢作客戰鬥力例必打折扣，預料今場入波未必會多，一於吼入球細！

皇家馬德里

若只談紙上戰績，皇馬近6場西甲4勝1和1負，世冠盃又輕鬆到手，單睇皇馬近期的成績表，其實未必聯想到，球隊為何會被外界連番猛烈批評。不過，皇馬就是皇馬，一支向來主攻，場場要大炒對手，主場球迷才會滿意的球隊，近期入球產量大跌的同時，踢法更是越來越防守。上場鬥貝迪斯，皇馬領先後更一度踢到9-0-1陣式，踢法猶如一支中下游球隊。今場硬撼西維爾，別期望蘇拿利會採取主動進攻，畢竟這名阿根廷籍教頭的方針，是只求成績而不求踢法悅目，難怪皇馬已連續4場西甲主場開細。

西維爾

西維爾季初雖然一再展現強勁攻力，但絕大多數大炒對手的比賽，都在主場取得，球隊近期在聯賽作客，經已6場不勝，近5場全部開細。上周作客畢爾包，西維爾雖然採取主動，但卻被對手的壓迫性打法，打至落花流水，而所失的2球，都是對手的快速反擊，最終被快馬恩拿基威廉斯2次強力爆破得手。再者，西維爾對上1場聯賽作客勝仗，已是9月底贏伊巴一仗，距離現時已有3個半月，就算皇馬表現再欠說服力都好，亦不宜將西維爾看得太高。

往績上，兩隊每次碰頭，雖然例開大，但近期皇馬踢法已變，而西維爾近期作客，攻力亦欠銳利，但難寄望再出現入球騷。今場入球大細中位數開到2球半3球，入球細相對穩陣，畢竟現時的皇馬，並無能力大炒對手，今場若憑穩守突擊再取3分的話，相信教頭蘇拿利是絕不介意繼續踢悶波。

推介：皇家馬德里 入球細